अस्पतालमा चिकित्सकको दरबन्दी खाली, सेवाग्राही मर्कामा

२०७४ जेठ २४ गते ८:५८ मा प्रकाशित
सौर्य समाचार

koshi hospitalमोरङ । पूर्ण सरकारी स्वामित्वमा सञ्चालित विराटनगरस्थित कोसी अञ्चल अस्पतालमा चिकित्सकको दरबन्दी खाली छ । तर, सरकारले करारमा चिकित्सक नियुक्ति गरेर काम चलाइरहेको छ । यसरी सरकारले करारमा चिकित्सक नियुक्ति गरेर काम चलाइरहँदा जनताले पाउने स्तरीय स्वास्थ्य सेवाबाट वञ्चित भइरहेको सेवाग्राहीको भनाइ छ । नयाँ चिकित्सकलाई करारमा नियुक्ति गर्दा जनताले स्तरीय सेवा नपाउने सेवाग्राही पप्पु मिश्राको भनाइ छ । उनी भन्छन्, ‘नयाँ विद्यार्थीलाई नियुक्ति ग¥यो काम गर्न जान्दैनन्, औषधि लेख्दा गल्ती गर्छन्, त्यसको सिकार जनता हुन्छन् ।’ कोसी अञ्चल अस्पतालमा ५३ जना साधारण चिकित्सकको दरबन्दी छ ।
तीमध्ये ३० जना चिकित्सक मात्रै दरबन्दीमा कार्यरत रहेका छन् । करारमा नियुक्त भएका २२ जना चिकित्सक काम गर्दै आएका छन् । अस्पताल विकास समितिले नियुक्तिमा दुई जना काम गर्दै आएका छन् । अस्पतालमा कायम गरिएको दरबन्दीभन्दा बढी नै चिकित्सक कार्यरत रहँदासमेत सहज तरिकाले पाउनुपर्ने स्वास्थ्य उपचार सेवा नपाइएको सेवाग्राही ३४ वर्षीय सुभाष कामतको भनाइ छ ।  अस्पतालमा कायम गरिएको दरबन्दीमध्ये, १० भन्दा बढी ११आँै तहका चिकित्सकको दरबन्दी खाली छ । तर, सरकारले आठाँै तहको मेडिकल अधिकृतलाई करारमा नियुक्ति गरेर काममा खटाएको छ ।
अस्पतालमा १२ वटा विभाग छन् । ११आँै तहका दक्ष चिकित्सक विभागीय प्रमेुख हुने प्रावधान छ तर अस्पतालमा करारमा कार्यरत आठाँै तहको मेडिकल अधिकृतलाई विभागीय प्रमुखको जिम्मेवारी सुम्पिने गरेको छ । गतवर्ष अस्पतालमा ६ करोड ४० लाख अनुदान आएको थियो । यसबाहेक अस्पताललाई टिकट, ल्याब, शैयाको चार्जवापत करिब ६० लाख मासिकरूपमा आम्दानी हुन्छ । चिकित्सक कर्मचारीलगायत अस्पतालको भौतिक पूर्वाधारको नाममा ८० लाख मासिक खर्च भइरहेको छ । १९४७ मा मोरङको पुरानो सदरमुकाम रंगेलीमा सञ्चालन भइरहेको सो अस्पताल २०१३ सालमा विराटनगरमा सरेको हो । सुरुमा त्रिभुवन स्मारक अस्पतालको नाममा १० शैयाबाट सेवा सुरु गरेको अस्पताल पछि कोसी अञ्चल अस्पतालका रूपमा परिणत भएको हो ।
अस्पतालका मेडिकल सुपरिटेन्डेन्ट डा.रोशन पोखरेल देशभरिका सरकारी अस्पतालमध्ये कोसी अञ्चल अस्पताल हरेक हिसाबले सर्वसाधारणलाई सेवा दिने हिसाबले प्रभावकारी रहेको बताए । उनका अनुसार आमा सुरक्षा कार्यक्रम कोसी अञ्चल अस्पतालको जस्तो सेवा प्रभावकारी अरू कुनै अस्पतालमा छैन । उनले दावी गर्दै भने, ‘कोसी अञ्चल अस्पताल जत्तिको राम्रो र सबैका लागि पहुँच पुग्ने अरू कुनै अस्पताल छैन ।

तपाइको प्रतिक्रिया