ढुङ्गा झर्दा बस दुर्घटनामा

२०७४ साउन २९ गते १६:०२ मा प्रकाशित

accidentतुलसीपुर, २९ साउन । रुकुमबाट दाङ, तुलसीपुर आउँदै गरेको ना ३ ख ३२३० नंको यात्रुवाहक बस तुलसीपुर उपमहानगरपालिकाको रामरी भन्ने स्थानमा पहिरामा पर्दा आइतबार एक जनाको मृत्यु भएको छ ।

सल्यान–रुकुम यातायात प्रालिद्वारा सञ्चालित सो बस गुडिरहेको अवस्थामा सडक माथिबाट ठूलो ढुङ्गासहित पहिरामा पर्दा अन्दाजी ३२ वर्षीय नाम नखुलेका एक पुरुषको घटनास्थलमा मृत्यु भएकोे जिल्ला प्रहरी कार्यालय, दाङका प्रवक्ता भुवनेश्वर पौडेलले जानकारी दिए ।

सो घटनामा घाइते भएका सात जनालाई नेपाली सेना, सशस्त्र प्रहरी र नेपाल प्रहरीले उद्धार गरेको जनाइएको छ

खोलाले बगाउँदा मृत्यु

तुलसीपुर–घोराही सडकखण्डमा पर्ने हापुर खोलाले बगाउँदा घोराही उपमहानगरपालिका वडा नं १२ बस्ने ३३ वर्षीया निर्मला बाठा मगरको आइतबार मृत्यु भएको छ ।

जिल्ला प्रहरी कार्यालय, दाङका प्रवक्ता पौडेलका अनुसार माइत जान हिंडेकी मगरलाई खोला तर्नेक्रममा बगाएको हो । सो सडक खण्डको जँघारबाट करिब २०० मिटर तल उनको शव फेला परेको प्रहरीले जनाएको छ ।

तपाइको प्रतिक्रिया