साहित्य

सुदूर साहित्य प्रतिष्ठान गठन

सौर्य अनलाइन २०७४ माघ २५ गते १२:१० मा प्रकाशित

बाजुरा, २५ माघ । बाजुरामा पहिलो पटक सुदूर साहित्य प्रतिष्ठान गठन गरिएको छ । जिल्लाको साहित्य र संस्कृतिलाई उजागर गर्नका लागि प्रतिष्ठान गठन गरिएको पत्रकार सम्मेलनमार्फत जानकारी गराइएको छ ।

संस्कृतिको जगेर्ना र लोप हुँदै गएका देउडा, चैतलोलगायतका संस्कृतिको जगेर्ना गर्नका लागि सुदूर साहित्य मञ्च गठन गरिएको हो । प्रतिष्ठान जिल्ला प्रशासन कार्यालयमा दर्ता गरिएको छ । प्रतिष्ठानको अध्यक्षमा हर्क खडायत सर्व सहमतिका आधारमा चयन भएका छन् ।

यसैगरी उपाध्यक्षमा प्रतिमा थापा, सचिव कृष्ण ओली, कोषाध्यक्ष रमित विक, सहसचिव पदम कठायत सदस्यमा अशोक जोशी, बन्धना रोकाया गरी सात सदस्यीय समिति गठन गरी जिल्ला प्रशासन कार्यालय बाजुरामा दर्ता गरिएको नवनिर्वाचित अध्यक्ष हर्क खडायतले जानकारी दिए ।

प्रतिक्रिया